Skilmálar

Þjónustuskilmálar

Síðast uppfært: 27. mars 2026

1. Almenn ákvæði

Þessir skilmálar gilda um notkun á þjónustu Rafsparnaðar. Með því að skrá sig eða nýta þjónustuna samþykkir viðskiptavinur þessa skilmála.

Rafsparnaður er ráðgjafa- og samningaþjónusta sem aðstoðar fyrirtæki við að lækka rafmagnskostnað.

2. Þjónustan

Rafsparnaður greinir rafmagnsreikninga og samninga viðskiptavinar og vinnur að því að finna hagstæðari kjör með því að bera saman og semja við raforkusala.

Rafsparnaður starfar sem milliliður og ráðgjafi en er ekki aðili að samningum milli viðskiptavinar og raforkusala.

Endanleg ákvörðun um samning er alltaf í höndum viðskiptavinar.

3. Gjaldtaka

Þjónusta Rafsparnaðar er gjaldfrjáls nema sparnaður náist.

Ef sparnaður næst fær Rafsparnaður þóknun sem nemur hlutfalli af áætluðum árlegum sparnaði, að jafnaði 10%, nema annað sé sérstaklega samið.

Sparnaður er reiknaður sem mismunur á:

• Fyrri rafmagnskostnaði (byggt á fyrirliggjandi gögnum)
• Nýju tilboði eða samningi sem viðskiptavinur samþykkir

Áætlaður árlegur sparnaður byggir á sögulegri notkun eða bestu fáanlegum upplýsingum.

Þóknun myndast þegar viðskiptavinur samþykkir nýjan samning sem leiðir til lægri kostnaðar.

Greiðsla getur verið:

• Einskiptis greiðsla
• Eða samkvæmt nánara samkomulagi milli aðila

Ef viðskiptavinur nýtir sér samning eða tilboð sem Rafsparnaður hefur aflað eða haft milligöngu um, ber honum að greiða umsamin þóknun.

4. Skuldbindingar viðskiptavinar

Viðskiptavinur skuldbindur sig til að:

• Veita réttar og fullnægjandi upplýsingar
• Láta vita af breytingum sem geta haft áhrif á greiningu eða samninga
• Greiða umsamda þóknun samkvæmt skilmálum

Rafsparnaður ber ekki ábyrgð á niðurstöðum sem byggja á röngum eða ófullnægjandi upplýsingum.

5. Engin ábyrgð á niðurstöðu

Rafsparnaður leitast við að ná fram sparnaði en:

• Engin trygging er fyrir því að betri kjör fáist
• Ekki er hægt að ábyrgjast tiltekna prósentulækkun

Rafsparnaður ber ekki ábyrgð á tilboðum, skilmálum eða framkvæmd raforkusala.

6. Trúnaður og meðferð gagna

Rafsparnaður meðhöndlar allar upplýsingar frá viðskiptavinum sem trúnaðarmál.

Gögn eru gerð ópersónugreinanleg áður en þau eru notuð í samanburði eða við samningaviðræður, nema annað sé sérstaklega samþykkt.

Meðferð gagna fer að öðru leyti eftir persónuverndarstefnu Rafsparnaðar.

7. Takmörkun ábyrgðar

Rafsparnaður ber ekki ábyrgð á:

• Beinu eða óbeinu tjóni sem kann að hljótast af notkun þjónustunnar
• Ákvörðunum sem teknar eru á grundvelli ráðgjafar

8. Uppsögn

Hvor aðili um sig getur sagt upp samstarfi með sanngjörnum fyrirvara.

Ef viðskiptavinur segir upp eftir að Rafsparnaður hefur aflað nýs samnings eða tilboðs sem leiðir til sparnaðar, ber honum að greiða þóknun vegna þess samnings.

9. Breytingar á þjónustu og skilmálum

Rafsparnaður áskilur sér rétt til að breyta eða þróa þjónustuna.

Skilmálar geta verið uppfærðir og taka breytingar gildi við birtingu á vefsíðu.

10. Lög og varnarþing

Um þessa skilmála gilda íslensk lög.

Ágreiningur skal leystur fyrir íslenskum dómstólum.

11. Samband

Ef þú hefur spurningar um þessa skilmála getur þú haft samband á: info@rafsparnadur.is